Xidmətlər
İstifadəçilər üçün
Digər Tətbiqlər
FluentWorldsBalansını artır
Nar x Crunch Burger
Giriş və ümumi müddəalar
- Bu İstifadə Şərtləri və Qaydaları (bundan sonra – “Şərtlər”) Nar və Crunch Burger arasında əməkdaşlığı həyata keçirilən “Nar x Crunch Burger” kampaniyası (bundan sonra – “Kampaniya”) çərçivəsində abunəçilərə təqdim edilən QR kuponlarının əldə edilməsi, istifadəsi və Kampaniyada iştirak qaydalarını, habelə Kampaniya ilə bağlı tərəflərin hüquq və öhdəliklərini müəyyən edir. Kampaniya çərçivəsində Nar abunəçilərinə SMS vasitəsilə kuponlar təqdim olunur və bu kuponlar Crunch Burger filiallarında istifadə edilərək abunəçilərə endirim əldə etmək imkanı yaradır.
- Kampaniya Nar tərəfindən müəyyən edilmiş müddət ərzində və bu Şərtlərə uyğun olaraq həyata keçirilir. Kampaniya çərçivəsində təqdim edilən kuponlar yalnız bu Şərtlərdə nəzərdə tutulmuş qaydada və şərtlərlə istifadə oluna bilər.
- Kampaniyada iştirak etməklə və ya təqdim olunan kupondan istifadə etməklə abunəçi bu Şərtlərlə tanış olduğunu və qeyd-şərtsiz qəbul etdiyini təsdiq edir.
- Nar qanunvericiliyin tələblərinə riayət etməklə Kampaniyanın keçirilməsi qaydalarında, istifadə şərtlərində, Kampaniyanın müddətində, iştirak meyarlarında, təqdim olunan üstünlüklərdə və digər şərtlərində dəyişiklik etmək və ya Kampaniyanı tam və ya qismən dayandırmaq hüququnu özündə saxlayır.
- Abunəçinin dəyişikliklərdən sonra Kampaniyadan istifadəyə davam etməsi həmin dəyişikliklərin qəbul edilməsi hesab olunur.
- Şərtlərə edilmiş dəyişikliklər Nar-ın rəsmi internet səhifəsində, Nar+ mobil tətbiqində yerləşdirildiyi və ya digər münasib kommunikasiya vasitələri ilə iştirakçıların diqqətinə çatdırıldığı andan qüvvəyə minir.
- Kampaniya kuponlar bitənədək və ya Nar tərəfindən dayandırılanadək qüvvədədir.
Kampaniyada iştirak üçün tələblər
- Kampaniyada yalnız Nar tərəfindən müəyyən edilmiş kampaniya şərtlərinə cavab verən abunəçilər iştirak edə bilərlər. Nar tərəfindən müəyyən olunan şərtlərə uyğun olaraq, müəyyən edilmiş məbləğdə balans artırmaları, tariflərə keçid və s. əməliyyatlar və hərəkətlər kupon qazanmağa əsas verə bilər.
- Abunəçi kupondan istifadə etdikdən sonra kuponu əldə etməyə əsas vermiş mobil nömrə balansının artırılması və ya balansdan istifadə üzrə əməliyyatın (ödənişin) geri qaytarılmasını tələb edə bilməz.
- Nar Kampaniyanın şərtlərinə cavab verməyən və ya kuponu texniki xəta, saxtakarlıq və ya digər sui-istifadə halları nəticəsində əldə etmiş şəxslərə kupon təqdim etməmək, habelə təqdim edilmiş kuponu etibarsız hesab etmək hüququnu özündə saxlayır.
Kupondan istifadə ilə bağlı şərtlər
- Kupon birdəfəlik istifadə üçündür.
- Kupon yalnız QR koddakı linkdə göstərilən etibarlılıq müddəti ərzində istifadə oluna bilər.
- Kuponlar məhdud saydadır və Kampaniya şərtlərinə cavab vermək kuponun təqdim olunacağına zəmanət vermir.
- Kupondan istifadə etmək üçün abunəçi sifariş zamanı kuponun QR kodunu Crunch Burger restoranının kassasında təqdim etməlidir.
- Sifariş məbləği kupondan az olarsa, qalıq vəsait nağd və ya digər formada qaytarılmır, kompensasiya edilmir və sonrakı istifadə üçün saxlanılmır.
- Sifariş məbləği kupondan çox olarsa, fərq abunəçi tərəfindən ödənilir.
- Müddəti bitmiş kupon etibarsız hesab edilir və yenilənmir, bərpa edilmir və ya əvəz olunmur.
- Kupon nağd pula dəyişdirilə, digər güzəşt və ya üstünlüklə əvəz edilə bilməz.
- Abunəçi hər bir nominalda kupondan yalnız bir ədəd əldə edə bilər.
Fərdi məlumatların toplanması və emalı
- Kampaniya çərçivəsində xidmətlərin göstərilməsi və bu Şərtlərin icrası məqsədilə Nar abunəçinin fərdi məlumatlarını Azərbaycan Respublikasının qanunvericiliyinin tələblərinə uyğun olaraq toplaya və emal edə bilər. Kampaniyada iştirak etməklə abunəçi fərdi məlumatlarının toplanmasını və emalını qəbul etdiyini təsdiq edir.
- Kampaniyanın təşkili, həyata keçirilməsi və idarə olunması məqsədilə aşağıdakı fərdi məlumatlar emal edilir:
- telefon nömrəsi;
- abunəçi hesabına dair məlumatlar;
- ödəniş və abunə məlumatları.
- Fərdi məlumatlar aşağıdakı məqsədlərlə toplana və emal edilə bilər:
- Kampaniyanın təşkili və idarə olunması;
- kuponların təqdim edilməsi və istifadəsinin yoxlanılması;
- təhlükəsizliyin təmin edilməsi və saxtakarlığın qarşısının alınması;
- xidmət keyfiyyətinin və abunəçi təcrübəsinin yaxşılaşdırılması;
- qanunvericilikdən irəli gələn öhdəliklərin yerinə yetirilməsi.
- Kampaniyanın icrası üçün zəruri olduğu hallarda Nar yalnız müvafiq məqsəd üçün zəruri olan fərdi məlumatları Azərbaycan Respublikasının qanunvericiliyinə uyğun olaraq Kampaniyanın tərəfdaşı olan təşkilata təqdim edə bilər.
- Abunəçi qanunvericiliyə uyğun olaraq öz fərdi məlumatları barədə məlumat əldə edilməsi, onların düzəldilməsi, yenilənməsi və silinməsini tələb etmək hüququna malikdir.
Tərəflərin məsuliyyəti
- Abunəçi kupondan bu Şərtlərə uyğun istifadə edilməsinə və kupondan istifadə zamanı təqdim etdiyi məlumatların düzgünlüyünə görə məsuliyyət daşıyır.
- Kuponun qəbulu, tətbiqi şərtləri, təqdim olunan məhsul və xidmətlərin mövcudluğu, çeşidi, keyfiyyəti, təhlükəsizliyi, qiyməti, xidmət səviyyəsi, rezervasiya imkanları, habelə kuponun qəbul edilməsindən və ya istifadə edilməsindən irəli gələn bütün öhdəliklərə görə məsuliyyət Crunch Burger restoranlarına məxsusdur.
- Nar yalnız kuponun abunəçiyə təqdim edilməsini təmin edir və Crunch Burger tərəfindən təqdim olunan məhsul və xidmətlər, onların mövcudluğu, təqdim edilməməsi və ya lazımi qaydada təqdim edilməməsi, kuponun qəbul edilməməsi, habelə bununla əlaqədar yarana biləcək hər hansı tələb, irad, şikayət, zərər, itki, kompensasiya tələbi və ya digər mübahisəyə görə heç bir məsuliyyət daşımır və bu barədə hər hansı təminat və ya zəmanət vermir.
- Nar-dan asılı olmayan səbəblərdən, o cümlədən texniki nasazlıqlar, elektron kommunikasiya şəbəkələrində fasilələr, üçüncü şəxslərin hərəkətləri, fors-major halları və digər oxşar hallar nəticəsində kuponun təqdim edilməməsi, gecikdirilməsi, etibarsız olması və ya istifadə edilməsinin mümkün olmamasına görə Nar məsuliyyət daşımır.
- Nar kuponla əlaqədar hər hansı dolayı, təsadüfi, xüsusi və ya nəticə etibarilə yaranmış zərərə, habelə əldən çıxmış gəlirə, gözlənilən faydaya və ya digər dolayı itkilərə görə məsuliyyət daşımır.
Yekun müddəalar
- Bu Şərtlər Azərbaycan Respublikasının qüvvədə olan qanunvericiliyinə uyğun olaraq şərh edilir və tənzimlənir.
- Bu Şərtlərin tətbiqi və ya icrası ilə əlaqədar tərəflər arasında yarana biləcək hər hansı mübahisə və ya fikir ayrılığı, ilk növbədə, qarşılıqlı danışıqlar yolu ilə həll edilməyə çalışılır.
- Mübahisənin danışıqlar yolu ilə həll edilməsi mümkün olmadıqda, həmin mübahisə Azərbaycan Respublikasının qanunvericiliyinə uyğun olaraq səlahiyyətli məhkəmələr tərəfindən həll edilir.
