CSR
CSR

Sponsorluq və Korporativ Sosial Öhdəlik

Layihələrə dəstək oluruq və məsuliyyətimizi dərk edirik
  • Sponsorluq strategiyamız

    Özünün sponsorluq layihələri ilə “Nar” cəmiyyətə müsbət dəyişikliklər ilə töhfə verə biləcək layihələri həyata keçirmək niyyətindədir. 

    Layihənin seçim meyarları

    “Nar”-a sponsoqluq  ilə əlaqədar bütün müraciətlər aşağıdakı seçim meyarlarına əsasən dəyərləndiriləcəkdir.

    Əsas meyar

    • Layihənin növü (Təklif özündə siyasi partiya, dini təşkilat, komanda (qrup) və ya fərdi şəxsləri əks etdirməməlidir)
    • Layihənin əhatə dairəsi (Tərəfdaş müəyyən oluna biləcək əsas hədəf hesab olunan auditoriyaya malikdirmi?)
    • Sektor eksklüzivliyi (təklif olunan layihə üzrə telekom sektoru üzrə ekzlüzivliyə zəmanət verilirmi?)
    • Uyğunluq (Layihə özündə  sağlam və müsbət imic əks etdirirmi? Layənin brendin imicinə mənfi təsiri yoxdurmu?)
    • Fərqlilik (Tərəfdaş yeni (innovativ) layihə təklif edir)
    • Həqiqi tərəfdaş (Tərəfdaş son 4 ildə müxtəlif sponsorlarla iş və uğurlu layihələri ilə seçilir )
    • Kütləvi informasiya vasitələri ilə əməkdaşlıq (Tərəfdaş layihələrin mediada yayılması üzrə yüksək təcrbəyə malikdir) 

    Məzmun

    • Milli elementlərə malik layihələri özündə əks etdirən təşəbbüslər dəstəklənir (bu, milli qəhrəmanlar, mədəniyyət və incəsənətin, idmanın təşviqi ilə bağlı layihələr ola bilər)
    • Təhsili və inkişafı təşviqinə yönələn layihələr
    • Texnologiya və yenilikləri (innovasiyaları) təşviq etməyə yönələn layihələr
    • Korporativ Sosial məsuliyyət strategiyamıza uyğun olan layihələr

    Layihələrini “Nar” mobil operatoruna təqdim etmək istəyən təşkilatlar əlavə edilmiş faylı doldurmalı və onu sponsorships@azerfon.az elektron ünvanına göndərməlidirlər.

    Bu keçid vasitəsiylə sponsoru olduğumuz layihələrlə tanış ola bilərsiniz.

  • Korporativ Sosial Öhdəliyimiz

    Məlumdur ki, mobil rabitə texnologiyaları çağdaş dünyanın inkişafı və elmi-texniki inqilabın müasir insanların həyatına təsiri baxımından böyük əhəmiyyət kəsb edir. İnformasiya və kommunikasiya texnologiyaları sahəsində fəaliyyət göstərən iri şirkətlər dünyada mövcud olan bir çox əhəmiyyətli problemlərin həllində və insanların rifah halının yaxşılaşdırılması istiqamətində misilsiz rol oynaya bilərlər. Azərbaycanın ən yenilikçi, tərəqqipərvər və humanizm prinsiplərinə sadiq şirkətlərindən biri kimi tanınan “Azerfon” MMC də öz fəaliyyətinə məhz bu prizmadan baxır və qəbul etdiyi qərarların cəmiyyətin gündəlik həyatına təsir edə biləcəyini yaxşı başa düşür. Elə buna görə də “Azerfon” missiyasının ümumi mahiyyətini gözəl dərk edərək cəmiyyət qarşısında öz üzərinə sosial öhdəliklər götürür. 

    İnsanların sosial həyatındakı tərəqqinin kütləvi xarakter alması və onların gündəlik həyatında davamlı olaraq müsbət dəyişikliklərin baş verməsi üçün ən müasir mobil texnologiyalardan istifadə edilməsi vacib amildir və “Azerfon” şirkətinin əldə rəhbər tutduğu baslıca meyarlardandır. Şirkətin müştəri xidmətlərinin fəaliyyətindəki şəffaflıq insanların məlumatlılığı və rahatlığına yönəlməklə cəmiyyət qarşısında geniş imkanlar açır. İnsanların etimadını doğruldaraq özünün sosial məsuliyyəti ilə cəmiyyətin etibarını qazanan “Azerfon” uzunmüddətli və davamlı layihələri üstün tutur və ümumi inkişafa öz misilsiz töfhəsini verir.

    “Azerfon” bütün sədləri aradan qaldırır, ayrı-seçkilik və stereotiplərə qarşı çıxır, cəmiyyətin üzvləri olan bütün fərdlərə imkan və bacarıqlarını nümayiş etdirmək üçün şans verir, öz dəstəyini əsirgəməyərək onların qarşısında yeni üfüqlərin açılmasına şərait yaradır.

    Eşitmə qabiliyyəti məhdud olan Azərbaycan vətəndaşlarının cəmiyyətə inteqrasiya edilməsi istiqamətində apardığı siyasət şirkətin korporativ sosial məsuliyyət strategiyasının bir parçasıdır. Azərbaycanın biznes mühitində belə bir sosial təşəbbüslə çıxış edən ilk şirkət olan “Azerfon” MMC eşitmə və nitq qüsurlu ondan çox gənci işlə təmin etmişdir. Belə gənclər üçün müxtəlif təlimlər və kurslar təşkil edən şirkət onların cəmiyyətə qazandırılması istiqamətində mühüm addımlar atmış, ölkənin işgüzar mühitində parlaq bir nümunə nümayiş etdirmişdir.    

    Azərbaycanın işıqlı gələcəyi naminə irəli sürülən bütün təşəbbüs və layihələrə dəstək verən “Azerfon” ölkədə təhsil sahəsinin inkişafına xüsusi diqqət yetirir, sahibkarlıq, məşğulluq, mədəniyyət. incəsənət və digər sahələri əhatə edən bir çox layihələrdə xüsusi əzmkarlıqla iştirak edir.   

    Bu keçid vasitəsiylə dəstək olduğumuz sosial layihələrlə tanış ola bilərsiniz.