Süni intellekt (AI) sürətlə inkişaf edərək həyatımızın müxtəlif sahələrinə nüfuz etməyə davam edir. Mobil texnologiyalar, biznes sahələri, kreativ sahələr və gündəlik istifadə üçün AI əsaslı həllər artıq hər yerdə geniş yayılıb. Smartfon və digər rəqəmsal cihazlar AI texnologiyalarının sayəsində daha ağıllı və funksional olub. Bu bloqda sənin üçün süni intellektin təsirini və praktiki istifadəsini araşdıraraq, müxtəlif sahələrdə istifadə edə biləcəyiniz faydalı AI alətlərini təqdim edəcəyik.

Smartfon telefonların AI tool-ların üstünlüyü nələrdir?

Müasir smartfon telefonlar süni intellektin gücü ilə daha sürətli və ağıllı işləyir deyə bilərik. AI əsaslı çipsetlər, kamera optimizasiyası və enerji istifadəsinin tənzimlənməsi bu sahədəki ən böyük irəliləyişlərdən və üstünlüklərdən biri hesab edilir. Artıq bir çox smartfon telefonlar və qiymətləri fərqli AI xüsusiyyətlərinə əsasən müəyyən edilir. Süni intellekt əsaslı kamera texnologiyaları sənə bir neçə üstünlük qazandırır:

• Şəkillərin keyfiyyətini avtomatik artırır,

• İşıq balansını özünə uyğun tənzimləyir,

• Fon bulanıqlığını daha yaxşı idarə edir,

• Batareya istifadəsini optimallaşdırır,

• İstifadə vərdişlərini öyrənir və enerjiyə qənaət edir.

Bundan əlavə, Siri, Google Assistant və Bixby kimi AI əsaslı səsli köməkçilər gündəlik tapşırıqları yerinə yetirməkdə sənin yardımçın olur. Digər bir faydalı funksiya isə real vaxtda mətn və dil tərcüməsidir. Məsələn, Google Lens ilə kameranı istədiyin mətndə tutaraq onu anında tərcümə edə bilərsən. Bu qədər funksiyanı bir araya gətirən smartfonlar, təbii ki, sadə modellərlə müqayisədə qiymət baxımından daha yüksək olur.

Fərqli istifadə sahələri üçün tövsiyə edilən AI alətləri hansılardır?

Süni intellektdən istifadə edərək sən həm işini, həm də gündəlik həyatını asanlaşdıra bilərsən. Bu texnologiyalar eyni zamanda sənin yaradıcılıq və məhsuldarlıq baxımından da köməkçin ola bilər. Fərqli istifadə sahələri üçün tövsiyə edilən AI alətlərini sənin üçün daha ətraflı təqdim edirik:

• ChatGPT və Grammarly kimi mətn generasiya alətləri ilə yazı yazmaq, redaktə etmək və kontent yaratmaq daha rahatdır. ChatGPT ilə sosial media postları, məqalələr yaza, Grammarly ilə isə yazılarını yoxlaya bilərsən.

• Canva AI və Deep Dream Generator dizayn sahəsində yaradıcılığını artırır. Canva AI dizaynları tez və yaradıcı şəkildə hazırlamağa imkan verir, Deep Dream isə unikal vizuallar yaratmaq üçün əla seçimdir.

• Səs və musiqi ilə işləyənlər üçün LALAL.AI və Murf AI möhtəşəm vasitədir. Musiqidən vokal ayırmaq və ya mətnləri peşəkar səslə oxutmaq istəsən, bu alətlər sənin üçün ideal olacaq.

• İşlərini səmərəli aparmaq üçün isə Notion AI və Zapier AI idealdır. Qeydləri idarə etmək, planlama aparmaq və prosesləri avtomatlaşdırmaq üçün əvəzolunmaz alətdir.

Süni intellekt tool-larının telefon qiymətlərinə təsiri

AI əsaslı texnologiyalar yalnız funksionallığı deyil, telefon qiymətləri bazarını da dəyişməyə başlayıb. Daha güclü süni intellektə malik cihazlar, təbii ki, daha yüksək kateqoriyaya daxildir və bu da qiymətlərə öz təsirini göstərir.

• AI texnologiyası ilə təchiz olunmuş modellər sənə fərdiləşdirilmiş alış-veriş təcrübəsi yaradır.

• Tövsiyə sistemləri istifadəçi seçimlərini analiz edərək, sənə uyğun smartfon modellərini təklif edir.

• AI əsaslı chatbotlar və virtual köməkçilər müştəri xidmətini avtomatlaşdıraraq sənə real vaxtda yardım göstərir.

Bütün bu texnologiyalar telefon satışı və telefon qiymətləri üzərində birbaşa təsir göstərir. Gələcəkdə isə süni intellekt daha da ağıllanacaq və artırılmış reallıqla məhsul sınağı, daha interaktiv alış-veriş təcrübəsi və optimallaşdırılmış e-ticarət alətləri ilə birlikdə təqdim ediləcək. Əgər sən də rəqəmsal dünyada daha məhsuldar olmaq istəyirsənsə, yuxarıda sadaladığımız AI alətlərini sına və texnologiyanı öz xeyrinə istifadə et!