Xidmətlərini hər zaman abunəçilərinin tələblərinə uyğun şəkildə formalaşdıran “Nar”, səyahətsevər abunəçiləri üçün sərfəli rouminq paketləri təqdim etməkdədir. Rouminq paketlərinə qoşulmaqla, siz “WhatsApp”-da pulsuz yazışa, sərfəli zəng və internetdən yararlanaraq səyahətinizi daha da rahatlaşdıra bilərsiniz. Təqdim olunan sərfəli şərtlər abunəçilərin də diqqətindən kənarda qalmayıb. Son bir ildə “Nar”-ın rouminq paketlərindən istifadə edənlərin sayı 66% artıb.

“Nar”, abunəçilərinin istəklərini nəzərə alaraq, dörd müxtəlif  rouminq paketi təqdim edir. Belə ki, “Roaming 9” paketi abunəçilərə 500 MB internet, “Roaming 15” paketi 500 MB internet və 50 dəqiqə, “Roaming 18” paketi 1 GB internet,  “Roaming 28” paketi isə 1 GB internet və 100 dəqiqə  təklif edir. Xüsusilə qeyd etmək lazımdır ki,  “Roaming 18” və “Roaming 28” paketlərində “WhatsApp” yazışmaları tamamilə pulsuzdur, yəni bu trafik sizin internet paketinizdən çıxılmayacaq.

Qeyd edək ki, rouminq xidmətləri “Nar” abunəçiləri tərəfindən ən çox qonşu Türkiyə, Gürcüstan, Rusiya, eyni zamanda, Birləşmiş Ərəb Əmirlikləri və Ukraynada istifadə edilir.

Şifariş edilən paketdaxili internet və dəqiqənin balansını yoxlamaq üçün *777#20#YES kodunu yığmaq lazımdır. “Roaming 9”, “Roaming 15” paketlərinin istifadə müddəti 5, “Roaming 18” və “Roaming 28” paketlərinin istifadə müddəti isə 15 gündür.