• Nar ITU Telecom World – 2017 beynəlxalq sərgisində iştirak etdi
    29-08-2017

    25-28 sentyabr 2017-ci il tarixləri arasında Cənubi Koreyanın Busan şəhərində “ITU Telecom World – 2017” beynəlxalq sərgisi keçirildi. 25 sentyabr tarixində Busan şəhərinin BEXCO sərgi və konfrans salonunda rəsmi açılış mərasimi keçirilmiş bu mötəbər beynəlxalq tədbir 4 gün davam etdi. BMT-nin informasiya-kommunikasiya texnologiyaları istiqaməti üzrə ixtisaslaşmış təsisatı olan Beynəlxalq Telekommunikasiya İttifaqının (BTİ) təşkilatçılığı ilə keçirilmiş bu beynəlxalq sərgidə Azərbaycanın İKT nümayəndə heyəti də iştirak edib.

    Azərbaycan nümayəndə heyətinin tərkibində bu beynəlxalq tədbirdə təmsil olunan “Nar” sərgidə təşkil edilmiş milli pavilyonumuzda özünün ən son nailiyyətləri – müxtəlif məhsul və xidmətlərini dünya ictimaiyyətinə təqdim etdi. “Nar” stendində sərgi ziyarətçiləri və qonaqlara operatorun müxtəlif innovativ xidmətləri, tətbiqlər və həllər nümayiş etdirilib.  Bu beynəlxalq forumda iştirak edən “Nar” əməkdaşları sərgi günləri ərzində İKT sahəsinin inkişaf tendensiyalarını müşahidə etmək, beynəlxalq praktikanın yeni istiqamətlərini dəyərləndirmək və geniş təcrübə mübadiləsi aparmaq imkanı qazanıblar.

axtarış nəticələri:
Heç bir nəticə tapılmadı
Təşəkkürlər
    Daha çox